નવા વરસનો સૂરજ ઊગ્યો એ સંદેશો લઈને,
કે માણસ ! તું જીવ, દરેકને હૈયાંવગો થઈને,
ઘાવ ખાઈને પણ સામો ના ઘાવ કરે તે વીર,
કરૂણાના ચણતર પર બાંધો જીવતરનું મંદિર.
વેરઝેરના વખ ઢોળીને ઘોળો અમૃત એમ,
પરબ પ્રેમની માંડીને પીવડાવો સૌને પ્રેમ.
દુઃખિયાના આંસુઓને સૌ વહેંચો સરખા ભાગે,
તો કદરૂપી દુનિયાનો ચહેરો રઢિયાળો લાગે.
નવા વરસમાં નવા ઉમળકાના માંડો સરવાળા ,
માનવતાના અંધ ઓરડે પ્રગટાવો અજવાળાં.....
*રમેશ પારેખ*
No comments:
Post a Comment