આછી આછી રે મધરાતે .. @ રમેશ પારેખ

આછી આછી રે મધરાતે ...

આછી આછી રે મધરાતે જીવણ જોયો રે તને,

આછો ઊંઘમાં જીલાયો, આછો જાગમાં જીલાયો,

ખરબચડા આંસુથી જીવણ રોયો રે તને..

જાળીએ ચઢીને અમે ઝુલણતું  જોયું કાઈ 

 ફળીયે મોં સુઝણાનું ઝાડ,

અમે રે જીવણ બંધ પરબીડિયુંને,

તમે કાગળની માંહ્યલું લખાણ.

મારાં વેણના   અભાવે જીવણ, મોહ્યો રે તને…

ઘાસની સળીએ ભોંય વીંધતી ઉગે રે

એવું અમને તો ઉગતા ન આવડ્યું,

ઓછાં ઓછાં અડધેરી છાતીએ ઉભાર્યા

પછી આભ લાગી પૂગતા ન આવડ્યું.

પછી પાછલી પરોઢે જીવણ ખોયો રે તને…