જરૂર પુરતું
પાણી
( ૧ થોડું પાણી પી ને બીજું ફેંકી દે છે , ૨ જુએ છે )
૨ –દોસ્ત ... એક વાત કહું ?
૧ –હા બોલ ને
૨ - ચાલ શરત લગાવીએ ... હું જે કહું તું એ નહિ કરી શકે ...
૧ – એમ ....જા જા .... બંદા બધું કામ કરી શકે ... અપુન કે હાથ મેં જાદુ હૈ ... હમમમ
૨ – ઓહો ... તો તો શરત તું જીતી જઈશ એમને ?
૧ – હા હા ... તું બોલ તો ખરા .
૨ – પણ ..જો તું હારી જાય .. તો હું કહું એમ કરવું પડે ... બોલ મંજુર ?
૧ – અરે મંજુર ...મંજુર ... બોલોના એ બંદા કિસીસે નહિ ડરતા ....
૨ –ઓકે .... આ લે ગ્લાસ
૧ –ઓકે ...શું કરવાનું છે મારે ?
૨ – બસ .... એક ગ્લાસ પાણી બનાવી દે .
૧ – શું કીધું ?
૨ -કીધું તો ખરા કે એક ગ્લાસ પાણી બનાવી દે ....
૧ –નાં બને .....કોઇથી ના બને ..મારો બાપ આવે તો પણ ના બને .
૨ –તે હમણા જ આ ગ્લાસમાંથી ૧ ઘુટ પાણી પીધું અને બીજું વધેલું ફેંકી દીધું .યાદ છે ?
૧ – હા ભાઈ યાદ છે .
૨ – તો ભાઈ જે વસ્તુ આપણાથી બને એમ જ નથી ,એવી વસ્તુનો તો વિવેકપૂર્ણ ઉપયોગ જ કરાયને .
૧ – હા ભાઈ ... મારી ભૂલ થઇ . હું શરત પણ હારી ગયો .બોલ શું કરવાનું છે મારે ?
૨ –એક નાનકડી પ્રતિજ્ઞા લે દોસ્ત ..
૧ – હા બોલ .. હું તૈયાર છું .
( બન્ને જમણો હાથ લાંબો કરે છે )
૨ – હું પ્રતિજ્ઞા લઉં છું કે ... હું સદાય કુદરતનું સમ્માન કરીશ
૧ - હું પ્રતિજ્ઞા લઉં છું કે ... હું સદાય કુદરતનું સમ્માન કરીશ
૨ – કુદરતે આપેલી વસ્તુઓનો વિવેકપૂર્ણ ઉપયોગ કરીશ .
૧- કુદરતે આપેલી વસ્તુઓનો વિવેકપૂર્ણ ઉપયોગ કરીશ
૨-હું હમેશા અક્ષય ઉર્જાનો ઉપયોગ કરવાનો પ્રયત્ન કરીશ .
૧-હું હમેશા અક્ષય ઉર્જાનો ઉપયોગ કરવાનો પ્રયત્ન કરીશ .
૨- સરસ ... સરસ ... બોલ હવે પાણી પીવું છે ને ?
૧ – હા ...... પણ અડધો ગ્લાસ જ ભરજે હો
(બંને મિત્રો હસે છે )
No comments:
Post a Comment