દંભને દેખાવનો છે દૌર મારા દેશમાં ,
જલ વગરના વાદળા ઘનઘોર મારા દેશમાં .
રાજવીના મુખવટા માં ચોર મારા દેશમાં ,
કાગડાઓ થઇ ગયા છે મોર મારા દેશમાં .
એમની દક્ષિણા કાજે કઈ હદે એ જાય છે,
વ્યં ઢ ળો પરણાવતા છે ગોર મારા દેશમાં .
એક સાથે શાંતચિતે , દેશ આખો પ્રેમથી ,
દેશની ખોદી રહ્યો છે ઘોર મારા દેશમાં .
મંદિરોને મસ્જિદોનું લશ્કરો રક્ષણ કરે
રામ અલ્લાહ કેટલા કમજોર મારા દેશમાં.
કાયમ હઝારી,મોરબી.
No comments:
Post a Comment