આ છોકરી પતંગ જેવી કેમ છે ?
કોઈ દૂરથી જુએ કે હસે ત્યાં લગ તો ઠીક
જરા નજદીક ભાળી રમે ગેમ છે
આ છોકરી પતંગ જેવી કેમ છે ?
વાતોનો દોર એવો સાંધે કે _
અણજાણ્યા કોઈનેય લપટાવી નાંખતી ,
આંખોની ભાષામાં અથડાતી -
સમજણ ની ગૂંચ સાવ બરકરાર રાખતી ,
કેવી ભોળીભટાક એની નેમ છે
આ છોકરી પતંગ જેવી કેમ છે?
એના ઈશારે નાચો તો ઓળઘોળ હૈયું -
ને નયનોથી નીતરતી રહેમ છે ,
પણ ચાહતની વાત જરા છેડો તો કહેશે _
કે છોકરાની જાત ઉપર વહેમ છે
રાખે ભીતર અકબંધ હેમખેમ છે
આ છોકરી પતંગ જેવી કેમ છે ?
ઠુમકા મારીને કેવું ચાલે રેલાવી-
એના હાસ્ય મહીં મેઘધનુ રંગ એ ,
હાથ ગમતીલો ઝાલે તો ઉડતી પતંગ
જાણે ફીરકી ને માંજા નો સંગ રે ,
કદી સામેથી કહેશે નહીં પ્રેમ છે
આ છોકરી પતંગ જેવી કેમ છે ?
--તુષાર શુક્લા.
No comments:
Post a Comment